ᑎᓕᓯᒍᑕᐅᔪᖅ
ᓄᕙᒡᔪᐊᕐᓇᒥᒃ ᐊᑐᓕᖅᓯᒪᑎᓪᓗᑕ, ᓄᓇᕗᑦ ᑐᖖᒐᕕᒃᑯᑦ ᑎᒥᖓᓂᑦ ᐱᓕᕆᐊᒃᓴᒥᒃ ᑐᓂᓯᒪᓕᓚᐅᕐᒪᑎᒍᑦ ᐋᖅᑭᒃᓱᐃᓯᒪᓕᖁᓪᓗᑕ ᐱᓕᕆᔾᔪᑎᐅᔪᓐᓇᖅᑐᓂᒃ ᓄᓇᕗᑦ ᐅᓪᓗᖓᓂ ᐊᔾᔨᒋᔭᐅᖖᒋᑦᑐᒥᒃ ᖃᓄᐃᓕᐅᖅᑎᑦᑎᓂᖃᕐᓂᐊᖅᑎᓪᓗᒋᑦ: ᐃᓅᖃᑎᒌᑦ ᑲᑎᖖᒐᔪᓐᓇᖅᑎᑕᐅᖖᒋᑎᓪᓗᒋᑦ. ᖃᓄᕐᓕ ᐅᓪᓗᖓᓂ ᖁᕕᐊᓱᒍᑎᖃᕈᓐᓇᕐᓂᐊᖅᐸᑦ ᐱᐅᓯᑐᖃᖅ ᒪᓕᒃᓗᒍ ᓄᓇᖅᑲᑎᒌᑦ ᓂᕆᕕᒡᔪᐊᖃᒌᒍᓐᓇᕐᓂᐊᖏᑎᓪᓗᒋᑦ, ᐃᓄᐃᑦ ᐱᖖᒍᐊᕈᓯᖏᓂᒃ ᐱᖖᒍᐊᖅᑎᑦᑎᔪᓐᓇᕐᓂᐊᕋᑎᒃ, ᓄᓇᓯᐅᑎᑎᒍᑦ ᐊᑐᕆᐊᒃᑰᕐᐸᓪᓕᐊᑎᑦᓯᑎᓪᓗᒋᑦ ᐅᕝᕙᓘᓐᓃᑦ ᑎᑕᒃᑎᓂᒃ ᑐᓵᔭᖅᑐᕈᓐᓇᕐᓂᐊᖖᒋᑎᓪᓗᒋᑦ?
ᐱᓕᕆᖃᑎᒋᓪᓗᓂᒋᑦ ᓄᓇᕗᑦ ᑐᖖᒐᕕᒃᑯᑦ ᑎᒥᖓᑦ ᐊᒻᒪᓗ ᓄᓇᕗᑦ ᐅᓪᓗᖓᓂ ᐸᕐᓇᐃᔨᑦ ᑲᑎᒪᔨᕋᓛᖏᑦ, ᐊᔮᔮᒃᑯᑦ ᐃᑲᔪᓚᐅᖅᐳᑦ ᐋᖅᑭᒃᓱᐃᓯᒪᓕᕆᐊᒧᑦ ᖁᕕᐊᒋᔭᐅᓪᓗᓂ ᖃᕆᑕᐅᔭᑎᒍᑦ ᓵᓚᒃᓴᐅᑎᖃᕋᓱᐊᕈᑎᒃᓴᓂᒃ, ᐃᓅᖃᑎᒌᒃᑐᓂ ᑐᓴᒐᔅᓴᓕᕆᔨᐅᔪᑦ ᑐᓴᖅᑎᑦᑎᔾᔪᑎᒃᓴᖏᓂᒃ ᖁᕕᐊᓇᖅᑑᑎᓂᒃ, ᐱᖃᓯᐅᑎᓪᓗᒋᑦ ᑐᓴᐅᒪᓕᖅᑎᑦᑎᒋᐊᕈᑎᓂᒃ ᑕᓚᕕᓴᑎᒍᑦ ᐊᒻᒪᓗ ᑎᑎᕋᖅᑕᐅᓯᒪᓪᓗᑎᒃ ᑐᓴᒐᔅᓴᖁᑎᓂᒃ ᑐᓴᐅᒪᓕᖅᑎᑦᑎᒋᐊᕈᑎᓂᒃ ᐱᓕᕆᓂᖃᖃᑕᐅᑎᓪᓗᒋᑦ ᐃᓄᐃᑦ ᓄᓇᕗᓕᒫᒥ.
ᐱᔾᔨᒍᔾᔭᐅᔪᑦ
ᓄᓇᕗᑦ ᑐᖖᒐᕕᒃ ᑎᒥᖓᑦ (NTI)
ᐱᔨᑦᑎᕆᐅᑏᑦ
- ᑎᑎᕋᕐᓯᒪᓂᖏᑕ ᐋᖅᑭᒃᓱᕐᑕᐅᓯᒪᓂᖏᑦ
- ᐃᒻᒥᒃᑰᕐᑐᑦ ᖃᓄᐃᓘᕐᓂᐅᒐᔭᕐᑐᑦ
- ᑐᓴᐅᒪᖃᑦᑕᐅᑎᓕᕆᔾᔪᑎᑦ ᐊᒻᒪᓗ ᓂᐅᕝᕈᑎᖃᖃᑦᑕᕐᓂᓕᕆᓂᖅ
- ᐃᓅᖃᑎᒌᓂ ᓂᐅᕝᕈᑎᖃᖃᑦᑕᕐᓂᓕᕆᓂᖅ
ᐱᔭᕆᑐᓪᓚᕆᒪᐅᖅᑐᑦ: 6-ᑐᐃᓐᓇᓂ ᐱᓇᓱᐊᕈᓯᕐᓂ, ᐊᔮᔮᒃᑯᑦ ᐱᓕᕆᔾᔪᑎᔭᒥᓐᓂᒃ ᐊᒻᒪᓗ ᓄᓇᕗᑦ ᐅᓪᓗᖓᓂ ᐸᕐᓇᐃᔨᑦ ᑲᑎᒪᔨᕋᓛᖏᑦᓄᓇᕗᑦ ᐅᓪᓗᖓᓂ ᐸᕐᓇᐃᔨᑦ ᑲᑎᒪᔨᕋᓛᖏᑦ ᐱᓕᕆᖃᑎᖃᓚᐅᕐᐳᑦ ᐋᖅᑭᒃᓱᐃᓂᕐᒥ ᒪᕐᕈᐃᓐᓂᒃ ᓵᓚᖃᕋᓱᐊᕈᑎᐅᓂᐊᖅᑐᓂᒃ ᐱᖃᓯᐅᑎᓪᓗᒋᑦ ᐊᖏᕐᕋᒥ ᓂᕆᔭᒃᓴᓕᐅᕐᓂᕐᒧᑦ ᐱᓕᕆᐊᒃᓴᒥᒃ ᐊᒻᒪᓗ ᖃᓄᐃᓕᐅᖖᒍᐊᖅᑐᓂᒃ ᑎᒃᑖᒃ-ᖑᓂᕋᖅᑕᐅᔪᓂᒃ ᑕᑯᓐᓇᒐᒃᓴᓕᐅᖅᑎᑦᑎᓂᕐᓄᑦ, ᐃᑲᔪᖅᑐᒐᐅᓯᒪᓪᓗᑎᒃ ᓂᐅᕝᕈᑎᖃᖃᑦᑕᕐᓂᓕᕆᓂᕐᒥ ᐱᓕᕆᔾᔪᑎᒃᓴᓂᒃ ᖃᓪᓗᓈᑎᑐᑦ, ᐃᓄᒃᑎᑐᑦ ᖃᓂᐅᔮᖅᐸᐃᖅᑐᓂᒃ ᐊᒻᒪᓗ ᐃᓄᓐᓇᖅᑐᓐ. ᑕᒪᕐᒥᒃ ᓵᓚᖃᕋᓱᐊᒍᑎᒃᓴᑦ ᑕᐅᑦᑐᕆᓂᐊᖅᑕᖏᑦ ᐋᖅᑭᒃᓱᐊᖑᓚᐅᖅᐳᑦ ᖁᕕᐊᓱᒍᑎᖃᕐᓂᐊᕐᓂᕐᒧᑦ ᐃᓄᐃᑦ ᐱᐅᓯᑐᖃᖓᓐᓂᒃ ᐊᒻᒪᓗ ᐅᖃᐅᓯᖓᓐᓂᒃ; ᐊᒻᒪᓗ ᐃᑲᔪᖅᑐᐃᓯᒪᑎᑕᐅᓪᓗᑎᒃ ᑕᒪᕐᒥᒃ ᖃᓄᖅ ᐅᑭᐅᖃᕋᓗᐊᕈᑎᒃ ᐊᒻᒪᓗ ᓇᑭᑦ ᐊᕕᒃᑐᖅᓯᒪᓂᐅᔪᒥᐅᑕᐅᒐᓗᐊᕈᑎᒃ ᐃᓚᐅᖃᑕᐅᓕᖁᔨᓂᕐᒧᑦ. 6-ᖑᔪᓂᒃ ᑕᑯᒃᓴᒐᔅᓴᓕᐊᖑᓯᒪᔪᓂᒃ ᓄᓇᕗᑦ ᐅᓪᓗᖓᓂ ᐅᖃᐅᓯᒃᓴᕆᔭᐅᔪᓂᒃ ᐋᖅᑭᒃᓱᐃᓯᒪᓕᖅᓱᑎᒃ, ᑕᑯᑦᓴᐅᑎᑦᑎᓂᐊᖅᓱᑎᒃ ᓄᓇᕗᒻᒥ ᑲᒥᓯᓇᒋᔭᐅᔪᒥᒃ, ᓄᓇᕗᑦ ᑐᖖᒐᕕᒃᑯᑦ ᑎᒥᖓᓂ ᐊᖏᔪᖅᑳᒥᒃ ᐊᒻᒪᓗ ᐊᖏᔪᖅᑳᑉ ᑐᖓᓕᕆᔭᖓᓂᒃ, ᐊᒻᒪᓗ ᐱᐊᓱᓂᒃ ᐊᖏᔪᖅᑳᕆᔭᐅᔪᓂᒃ ᐊᕕᒃᑐᖅᓯᒪᓂᕐᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ. ᐊᒻᒪᓗᑦᑕᐅᖅ, ᐊᒥᓱᕐᓚᐅᔪᓂᒃ ᐱᓕᕆᐊᖑᓕᕈᒪᔪᓂᒃ ᐱᒋᐊᖅᑎᑦᑎᓯᒪᓕᓚᐅᖅᓱᑎᒃ ᐃᓚᖃᖅᓱᒋᑦ ᒪᑯᓂᖓ: ᑲᓇᑕᒥ ᓇᔪᖅᑕᐅᕙᒃᑐᑐᖃᐃᑦ ᑰᑦ ᓇᓗᓇᐃᒃᑯᑕᖓᓂᒃ ᓵᓚᒃᓴᕈᑎᑖᕋᓱᐊᕐᑎᑦᑎᓂᕐᒧᑦ, ᐃᓄᒃᑎᑦ ᑎᑎᕋᕈᓐᓇᕐᓂᕐᒧᑦ ᓵᓚᒃᓴᐅᑎᑖᕈᑎᒃᓴᒥᒃ, ᐃᓄᐃᑦ ᐃᓕᓐᓂᐊᕆᐊᕈᓐᓇᐅᑎᖏᓐᓄᑦ ᐱᓕᕆᐊᒥᒃ ᐊᒻᒪᓗ ᐃᓄᐃᑦ ᑕᓚᕕᓴᓕᕆᔨᖏᓂᒃ. ᑕᐃᒪᓗ ᐊᖏᔫᑎᐅᑎᑕᐅᓪᓗᓂ ᖃᕆᑕᐅᔭᑎᒍᑦ ᑕᑯᓐᓇᖅᑐᑦ ᐃᓚᒋᔭᐅᖃᑕᐅᓕᖅᓯᒪᕗᑦ ᑎᑭᑎᑕᐅᓯᒪᔪᓂᒃ ᓄᓇᕗᑦ ᐅᓪᓗᖓᓄᑦ.
ᖃᓄᐃᓕᖓᓕᕐᓂᖓ: ᐃᑲᔪᖅᑕᐅᓯᒪᓂᕐᒥᒃᑎᒍᑦ ᐊᖏᔫᑎᐅᓪᓗᑎᒃ ᑐᓴᒐᒃᓴᓕᕆᔨᐅᔪᓂᑦ, ᓄᓇᕗᑦ ᐅᓪᓗᖓᓂᒃ ᖁᕕᐊᓱᒍᑎᖃᖅᑎᑦᓯᓂᐅᔪᖅ ᑐᓴᐅᒪᔭᐅᓕᓚᐅᕐᐳᖅ ᑕᑯᒃᓴᐅᑎᑕᐅᓪᓗᓂ APTN-ᑯᑦ (ᐃᐱᑎᐃᓐ) ᐊᒻᒪᓗ CBC-ᑯᑦ (ᓰᐲᓰ). ᐊᒻᒪᓗ, ᐊᒥᓱᒻᒪᕆᓐᓄᑦᑕᐅᖅ ᑐᓴᐅᒪᔭᐅᓕᓚᐅᖅᓱᓂ ᐸᐃᑉᐹᑎᒍᑦ ᑐᓴᒐᒃᓴᖁᑎᓂᒃ ᖃᕆᑕᐅᔭᑎᒍᑦ ᐱᑐᒃᓯᒪᕝᕕᒋᔭᐅᔪᓂ, ᓄᓇᕗᑦ ᑐᖖᒐᕕᒃᑯᑦ ᑎᒥᖓᑕ ᖃᕆᑕᐅᔭᑎᒍᑦ ᐱᑐᒃᓯᒪᕝᕕᖓᓂᑦ ᐊᒻᒪᓗ ᐃᓅᖃᑎᒌᒃᑐᓄᑦ ᑐᓴᒐᒃᓴᓕᕆᔨᑎᒍᑦ. ᓇᐃᓗᐊᖅᑐᒥᒃ ᐱᕕᒃᓴᖃᖅᑎᑕᐅᒐᓗᐊᖅᓱᑎᒃ ᐸᕐᓇᐅᑎᓕᐅᕈᓐᓇᕐᓂᕐᒥᓐᓄᑦ, ᐊᒥᓱᑲᓪᓚᒻᒪᕆᐅᔪᓂᑦ ᐃᓚᒋᔭᐅᓕᕈᓐᓇᖅᑐᓂᒃ ᐱᑕᖃᓕᓚᐅᕐᑐᖅ ᖃᕆᑕᐅᔭᑎᒍᑦ ᓵᓚᖃᕋᓱᐊᖅᑐᓂᑦ. ᐱᓕᕆᐊᖃᖅᑎᑦᓯᔾᔪᑎᐅᔪᑦ ᐃᓚᐅᕝᕕᐅᔪᒪᓪᓗᐊᓚᐅᖅᐳᑦ ᐊᖏᔪᒻᒪᕆᒻᒥᒃ ᓄᓇᕗᒻᒥᐅᓂᑦ ᒪᓕᒃᐸᓪᓕᐊᖏᓐᓇᖅᑐᓂᑦ ᖃᓄᐃᓕᐅᖅᑎᑦᓯᓂᐅᔪᓄᑦ ᐊᒻᒪᓗ ᓵᓚᖃᕋᓱᐊᖅᑎᑦᑎᓂᐅᔪᓄᑦ ᖃᕆᑕᐅᔭᑎᒍᑦ. ᑕᒪᕐᒥᒃ ᐃᓱᒪᒋᓗᒋᑦ, ᐃᓱᒪᒋᔭᐅᓕᓚᐅᕐᑐᖅ ᐃᖏᕐᕋᑦᓯᐊᖅᑎᑕᐅᓚᐅᕐᓂᖏᑕ ᑕᕝᕙᐅᔪᓐᓇᕐᓗᑎᒃ ᖃᓄᐃᓕᐅᖅᑎᑦᓯᓂᕐᓄᑦ ᐊᓯᐊᓄᑦ ᐃᓚᐅᔪᓐᓇᓕᖅᑎᑦᑎᒋᐊᒥᒃ ᐅᐊᔭᒨᖅᑐᑎᒍᑦ ᖁᕕᐊᓱᖃᑎᒌᒃᑎᑦᑎᓂᕐᓄᑦ, ᐊᑐᓕᖅᑎᑕᐅᑲᐅᑎᒋᓚᐅᖅᑐᓂᒃ ᖃᓪᓗᓈᑎᑐᑦ ᐊᒻᒪᓗ ᐃᓄᒃᑐᑦ.
80-ᐅᔪ ᐃᓚᒋᔭᐅᖃᑕᐅᓪᓗᑎᒃ ᐊᖏᕐᕋᒥᓐᓂ ᓂᕆᔭᒃᓴᓕᐅᕐᓂᕐᒧᑦ
20-ᐅᔪᑦ ᐃᓚᒋᔭᐅᖃᑕᐅᓪᓗᑎᒃ ᑎᒃᑖᒃ-ᖑᓂᕋᖅᑕᐅᔪᓂᒃ ᑕᑯᓐᓇᒐᒃᓴᓕᐅᖅᑎᑦᑎᓂᕐᓄᑦ ᓵᓚᖃᕋᓱᐊᕐᑎᑦᑎᓂᕐᒧᑦ ᐊᒻᒪᓗ 6,500-ᖑᔪᑦ ᑕᑯᓐᓇᒐᒃᓴᓂᒃ ᑕᑯᓐᓇᖅᓯᒪᓪᓗᑎᒃ
425,000-ᖑᔪᑦ ᐸᐃᑉᐹᑎᒍᑦ ᑐᓴᒐᒃᓴᓕᐊᖑᓯᒪᔪᓂᒃ ᐅᖃᓕᒫᖅᓯᒪᓪᓗᑎᒃ
35-ᖑᔪᑦ ᕖᔅᐳᒃᑎᒍᑦ ᑐᓴᖅᑎᑦᓯᔾᔪᑎᓂᒃ ᐱᓯᒪᔭᐅᓕᓚᐅᖅᓱᑎᒃ 16,000-ᓂᑦ ᐊᒻᒪᓗ 5,000-ᖑᔪᑦ ᐃᓚᐅᓂᖃᖅᑎᑦᓯᓂᖅ ᐃᓱᓕᓯᒪᓕᖅᑎᓪᓗᒍ
